SOCHEIN.. kitni gehri hoti hain

sochein, kitni gahri hoti hain
ek anant mahasagar ki tarah,
jiske tal ka nahi hai anuman,
anant, vishal ichhaao ko samete 
vichran karti rehti hain,
har pal badalti rehti hain

sochein, kitni gehri hoti hain,

ek pal yahan ek pal wahaan
bhagti hi rehti hain,

nahi mila abhi tak koi thaur inhe

har kone mein simat jaati hain,

inke changul se bacha na koi

har insaan ko yeh sataati hain,

sochein, kitni gehri hoti hain,

maan manuhaar chhipa hai in mein

irshya krodh ki jagah bani hai,

tera-mera iske sangi-saathi

bhey-apmaan se grasit hain ye,

kyun insaan ko rulaati hain

kabhi khush kar jaati hain,

par fir bhi soch-sochkar hi

zindagi bitani padti hai

sochein, kitni gehri hoti hain!